بارش کی وجہ سے نمازیں جمع کرنے کا کیا حکم ہے؟

شدید بارش کی وجہ سے قصر  کئے بغیر نماز ظہر کو نماز ِ عصر کے ساتھ اور نمازِ مغرب کو نماز ِ عشاء کے ساتھ ان میں سے پہلی نماز کے وقت جمع کرنا شرعی طور پر جائز ہے، یہ جواز حرج اور مشقت کو دور کرنے کیلئے ہے؛ کیونکہ بنیادی اصل یہ ہے کہ بغیر تاخیر یا تقدیم ہر نماز کو اس کے وقت پر پڑھنا واجب ہے، اور نمازوں کو جمع کرنا استثنائی حالت ہے جو بغیر عذر کے جائز نہیں، اور بارش ان عذروں میں سے ہے جس کی وجہ سے دو نمازوں کو جمع کرنا جائز  ہوتا ہے۔ جمع کرتے وقت فقہاء کی بیان کی گئی شرائط کا لحاظ رکھنا ضروری ہے، جیسے یہ کہ دو نمازوں میں پہلی کے وقت بارش کا موجود ہونا اور دوسری کے وقت تک جاری رہنا، اور یہ کہ بارش ایسی ہو کہ اس سے کپڑے بھیگ جائیں، یعنی بارش کے ہوتے ہوۓ مسجد میں  جانا مشکل ہو، اور یہ کہ ان میں سے پہلی نماز کے وقت میں جمع کیا جاۓ یعنی جمع تقدیم ہو، نا کہ جمع تاخیر  ، اور پہلی نماز کے دوران اور دوسری کے  شروع میں جمع کرنے کی نیت موجود ہو، اور یہ کہ باجماعت نماز مسجد میں ہو، اور دونوں نمازیں پے در پے ہوں کہ ان کے درمیان فاصلہ زیادہ  نہ ہو۔