نماز کے دوران امام نے سجدہ تلاوت کیا لیکن سجدے سے اٹھتے وقت تکبیر نہیں تاکہ مقتدیوں کو پتہ چل جائے کہ امام صاحب سجدے سے اٹھ گئے ہیں، تو کیا یہ جائز ہے؟ یاد رہے کہ کسی مقتدی نے نماز کے بعد ان سے اس بارے میں پوچھا تو انہوں نے کہا کہ یہ جائز ہے۔ 

 الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ۔ اما بعد!سجدہ تلاوت کی تکبیر کو ترک کر دینا یا بلند آواز سے نہ کہنا خلاف اولیٰ ہے، چاہے امام ہو یا اکیلا نماز پڑھنے والا ہو اس کے لئے مستحب یہ ہے کہ نماز کے دوران سجدہ تلاوت میں جاتے ہوئے بھی رفع یدین کے بغیر تکبیر کہے،اور سجدہ سے سر اٹھاتے وقت بھی تکبیر کہےجیسا کہ وہ نماز کے سجدوں میں کرتا ہے،سجدہ تلاوت کے بعد جلسہ استراحت کرنا مستحب نہیں ہے۔

شیخ محلی رحمہ اللہ فرماتے ہیں: جس نے نماز کے دوران سجدے کا ارادہ کیا اس کے لئے مستحب یہ ہے کہ سجدے کی طرف جاتے وقتاور سجدے سے سر اٹھاتے وقت رفع یدین کے بغیر تکبیر کہے، میں نے کہا جیسا کہ امام رافعی رحمہ اللہ نے فرمایا ہے:سجدہ تلاوت کے بعد جلسہ استراحت نہ کرے۔([1])