کتاب و سنت کے فہم اور صحیح منہج کی تشکیل میں عقل کا کیا کردار ہے؟

عقل ادراک اور انتخاب کا آلہ ہے اور یہ جبلت کے مقابل ہے اور یہ انسان کو باقی تمام جانداروں سے ممتاز کرتی ہے اور یہ سر میں موجود دماغ کے علاوہ کوئی اور چیزہے جس کا اس دماغ  سے تعلق  ہوتاہے، اللہ تعالیٰ نے فرمایا: " کیا انہوں نے ملک میں سیر نہیں کی پھر ان کے ایسے دل ہوجاتے جن سے سمجھتے ۔"[الحج: 46]اور عقل کے ذریعے سے مسلمان علماء نے وہ سب بڑے بڑے امور ثابت کئے ہیں جن پر دین کی بنیاد ہے، جیسے کہ اس کائنات کے لیے وجودِ خالق کی ضرورت، اور اس کا شریکوں سے پاک ہونے کی ضرورت، اور اس کے لیے ہر اس کمال سے متصف ہونے کی ضرورت جو اس کے لائق ہے، اور اس میں کسی نقص کے امکان کا محال ہونا،  اور اس کے رسل کرام کو امانت،  دیانت اور ذہانت سے متصف ہونے کی ضرورت ۔ اچھائی کو برائی میں سے پہچاننے میں عقل کا بہت بڑا کردار ہے، عقل ہی سچ اور سخاوت کے اچھے ہونے اور جھوٹ اور بخل کےبرے ہونے کا ادراک  کرتی ہے، اس لیے تمام زمانوں اور مختلف تہذیبوں میں اہلِ عقل کے ہاں صدق قابلِ تعریف ہے اور جھوٹ قابلِ مذمت ہے۔ جہاں تک فقہی احکام کا تعلق ہے تو عقل انہیں  ابتداً  وضع نہیں کرتی ہے  بلکہ یہ تو  لغوی اور اصولی قواعد اور علماء کے وضع کردہ ضوابطِ استنباط کی روشنی میں شرعی نصوص کو سمجھ کر ان احکام کو مستنبط کرتی ہے ۔