کیا جن اوقات میں نماز پڑھنےسے شریعت نے مسلمانوں کو منع کیا ہے ان میں نماز قضا نمازیں پڑنا جائز ہے؟

تمام مکروہ اوقات میں قضاء نماز پڑھنا شریعت کی رو سے ممنوع نہیں ہے اور نہ ہی اس میں کوئی کراہت ہے۔ سیدنا انس بن مالک رضی اللہ عنہ سے مروی حدیث میں ہے کہ رسول اللہ صلی اللہ علیہ وسلم نے فرمایا : ’’جب تم میں سے کوئی نماز ( پڑھنے کے وقت اس ) سے سویا رہے یا اس سے غافل ہو جائے تو جب اسے یاد آئے ( نماز ) پڑھ لے ‘ بے شک اللہ تعالیٰ نے ارشاد فرمایا ہے : اور میر ی یاد کے وقت نماز قائم کرو ۔ ‘ ‘ اسے امام مسلم ؒ نے رویت کیا ہے۔ قضاء نماز کے حکم میں جو عمومیت ہے اس سے معلوم ہوتا ہے کہ قضاء نماز کسی بھی وقت جائز ہے حتیٰ کہ کراہت کے اوقات  میں بھی۔ جمہور فقہاء کا یہی مذہب ہے۔