میت کو غسل دیتے اس شخص کی موجودگی کا کیا حکم ہے جس کی ضرورت نہ ہو؟

صرف میت کو غسل دینے والے اور اس کی مدد کرنے والے پر اقتصار کرنا مستحب ہے، اور ایسے شخص کی موجودگی مکروہ ہے جس کی غسل دینے میں ضرورت نہ ہو۔

مستحب عمل یہ ہے کہ میت کو غسل دیتے وقت صرف غسل دینے والا اور وہ شخص موجود ہو جو اس کی مدد کر رہا ہو، اور ایسے شخص کی موجودگی مکروہ ہے جس کی غسل دینے کے عمل میں ضرورت نہ ہو؛ کیونکہ انسان فطرتاً یہ پسند نہیں کرتا کہ کوئی اس کی شرمگاہ کو دیکھے۔ وہ ہمیشہ یہ چاہتا ہے کہ اس کی حرمت محفوظ رہے خواہ انسان زندہ ہو یا مردہ ہو۔اسلامی شریعت نے حرمتِ میت کی حفاظت کرنے کی بہت ترغیب دلائی ہے اور اس عمل کی بہت زیادہ حوصلہ افزائی کی ہے؛ پس رسول اللہ ﷺنے فرمایا: ”جس نے کسی میت کو غسل دیا اور پوری امانتداری سے دیا اور اس وقت اس کے  ظاہر ہونے والے عیوب کو افشاں نہ کیا تو وہ اپنے گناہوں سے اس  دن کی طرح پاک ہو جاتا ہے جس دن اس کی ماں نے اسے جنم دیا تھا۔" اسے امام احمد نے روایت کیا ہے۔