اسلام کی دعوت میں تحفظِ وطن کے مظاہر کیا ہیں؟ اور اس کی دلیل کیا ہے؟

شریعتِ مطہرہ نے وطن کی حفاظت پر زور دیا اور اس کا ایک مظہر یہ ہے کہ اسلام نے وطن کی محبت کو انسانی شعور سے پھوٹنے والا ایک فطری اور جبلی مفہوم قرار دیا ہے کیونکہ اس کی طرف انسان نسبت رکھتا ہے اور اس  میں پلا بڑا ہوتا ہے

 اور اس میں وہ یادیں ہوتی ہیں جو اانسان کو ان لوگوں، اہل وعیال اور دوستوں سے جوڑتی ہیں جن کے درمیان اس نے پرورش پائی ہوتی ہے اور یہ فعل رسول اللہ صلی اللہ علیہ وسلم کے اعمال سےصاف ظاہر ہوتا ہے، کیونکہ وطن کی محبت آپ صلی اللہ علیہ وسلم  کے اخلاق میں سے تھی ۔ سیدنا انس بن مالک رضی اللہ عنہ سے روایت ہے: ” جب رسول اللہ صلی اللہ علیہ وسلم سفر سے مدینہ منورہ واپس تشریف لاتے اور مدینہ کے بالائی علاقوں پر نظر پڑتی تو آپ ﷺ اپنی اونٹنی کو تیز کر دیتے، اور اگر کوئی دوسرا جانور ہوتا تو اسے بھی تیز کر دیتے تھے۔ " اسے امام بخاری رحمہ اللہ  نے روایت کیا ہے۔