کیا محض نافرمانی یا ایمان کی کمزوری کسی ایسے مسلمان کا خون مباح کر دیتی ہے جو گواہی دے چکا ہو کہ اللہ کے سوا کوئی معبود نہیں اور ہمارے آقا محمد صلی اللہ علیہ وسلم اللہ کے رسول ہیں؟ کیا یہ مجرد گواہی اللہ تعالی کے نزدیک قابل قبول ہے یا نہیں؟

اسلاف واخلاف کے تمام علماء کرام اس بات پر متفق ہیں کہ جس شخص نے کلمۂ شہادت پڑھ لیا تو اس کے جان، مال اور عزت وآبرو محفوظ ہو گئے، چاہے وہ کلمہ گو نافرمان ہی کیوں نہ ہو۔ ابوداؤد نے انس بن مالک رضی اللہ عنہ سے روایت ہے جس میں آپ صلی اللہ علیہ وسلم ایمان کے معاملے میں گناہوں پر خبردار کر دیا ہےسیدنا انس بن مالک رضی اللہ تعالی عنہ سے مروی ہےکہ رسول اللہ صلی اللہ علیہ وسلم نے فرمایا: "تین چیزیں ایمان کی اصل سے ہیں: جو لا إلَهَ إلَّا اللَّهُ کہتے ہیں ان سے ہاتھ روکے رکھنا، اور ہم کسی کے گناہ کی وجہ سے اس کی تکفیر نہیں کرتے اور نہ ہی ہم اس کے کسی عمل کی وجہ سے  اسے اسلام سے  خارج کرتے ہیں۔ رویتِ ابوداؤد ۔

ساتھ ساتھ نیک اعمال کی ضرورت اور اہمیت پر زور دیا جاۓ، اور گناہ کے کام کو ہلکا نہ سمجھا جاۓ۔

حق یہ ہے کہ کلمۂ شہادت پڑھنے والے لوگوں سے کچھ اور پوچھے بغیر اس سے ہاتھ روک لیا جائے کیونکہ وہ حرمت کے پامال ہونے اور ان کا خون بہاۓ جانے سے نجات حاصل کر چکے ہیں، کیونکہ رسول اللہ صلی اللہ علیہ وسلم نے اسلام میں داخل ہونے کیلئے سوائےکلمۂ شہادت کے کوئی شرط نہیں رکھی اور آپ صلی اللہ علیہ وسلم فرمایا کرتے تھے: جس نے ہماری نماز پڑھی اور ہمارۓقبلہ کو اپنا قبلہ مانا اور ہمارا ذبیحہ کھایا وہ مسلمان ہے جس کے لیے اللہ اور اس کے رسول کا ذمہ کرم یعنی پناہ ہے۔ پس تم اللہ کے ساتھ اس کی دی ہوئی پناہ میں خیانت نہ کرو۔