علم اور علماء کے بارے میں انتہا پسندوں کا کیا نظریہ ہے؟

رسول اللہ صلی اللہ علیہ وسلم کا قائم کردہ پیغمبرانہ منہج اپنے متبعین کے نفوس میں ناصرف دینداری اور عمل میں فہمِ مقلوب کے نہ ہونے کو یقینی بناتا ہے بلکہ اخلاق میں عدمِ تکبر اور صرف اپنے ہی فہم کو صحیح کہنے سے بھی منع کرتا ہے اس لئے صحابہ کرام رضی اللہ عنہم میں سے کسی سے اگر کوئی مسئلہ پوچھا جاتا تو وہ اس خوف سے اس کو ٹال دیا  کرتے تھے کہ دین میں بغیر علم کے کچھ کہہ نہ بیٹھیں ۔

تاہم، انتہا پسندانہ سوچ رکھنے والوں اور دہشت گردوں ہم کو دیکھتے ہیں کہ اگر کسی بھی امر میں کسی معنی کا فہم یا کسی عمل کے اطلاق کے بارے میں ان سے پوچھا جائے، تو انہیں یقین ہوتا ہے کہ جو کچھ انہوں نے سمجھا ہے صرف وہی حق اور صحیح ہے۔ پس آپ انہیں دیکھیں گے کہ یہ لوگ اپنے اس فہم میں اس سے زیادہ تعصب رکھتے ہیں جو  آئمۂ مذاہب  کے پیروکار اپنے کے بارے میں رکھتے ہیں، اس لیےمعاملہ جھگڑوں، تصادم، خون خرابہ اور فساد  فی الارض میں تبدیل ہو جاتا ہے۔

بلاشبہ اس کا تدارک ان اہل علم کی طرف رجوع کرنے میں ہے جنہیں اللہ تعالیٰ کے دین کے فہم کی کنجیاں عطا کی گئی ہیں، جن کے پاس منہج اور وہ ملکہ  ہوتا ہے جس کی وجہ سے وہ نصوص پر شرعی غور و خوض کرنے کے اہل بنتے ہیں۔ اللہ تعالی کا فرمان ہے: "اور جب ان کے پاس امن یا ڈر کی کوئی خبر پہنچتی ہے تو اسے مشہور کر دیتے ہیں، اور اگر اسے رسول اور اپنی جماعت کے ذمہ دار اصحاب تک پہنچاتے تو وہ اس کی تحقیق کرتے جو ان میں تحقیق کرنے والے ہیں " (النساء: 83)۔