سورہ یس کو ضروریات پوری کرنے اور معاملات آسان ہونے کی نیت سے پڑھنے کا کیا حکم ہے ؟

قرآن کریم کو پڑھنا ان امور میں سے ہے جو پڑھنے والے کیلیے الله تعالی کی طرف سے برکت، ثواب اور اجر کا باعث بنتے ہیں؛ سورتِ یس بھی ان  سورتوں میں سے ایک ہے  جن کے پڑھنے کی  فضیلت میں متعدد احادیث آئی ہیں، حضرت معقل بن یسار رضی  الله عنه    سے روایت ہے نبی مکرم صلی  الله علیہ وسلم    نے فرمایا：سورت یسین قرآن کریم کا دل ہے جو شخص بھی اسے اللہ تعالی رضا اور راہ آخرت کو حاصل کرنے کے لئے بڑھتا ہے اس کی بخشش کردی جاتی ہے اور اسے اپنے مُردوں پر پڑھا کرو۔ (مسند احمد)

پس سورہ یس پڑھنے کی بڑی فضیلت ہے اور قاری کیلیے الله کی طرف سے اجر عظیم ہے ، علماء کی ایک جماعت نے سورہ "یس"   کی تلاوت کو غربت سے نجات ، پریشانیاں سے چٹھکارا اور وسعتِ رزق ، قرض کی ادائیگی اور چیزوں کے حصول اور اسی طرح دیگر امورِ خیر کی نیت سے پڑھنا جائز قرار دیا ہے  اور جس نے بھی اس یقین کے ساتھ سورہ یس پڑھی کہ  الله تعالی اس تلاوت کی برکت سے میری  حاجت  پوری فرما دے گا  تو الله کے حکم سے وہ اپنی مراد کو پا لے گا۔