بعض ورثا کی مرضی کے خلاف ترکہ کی تقسیم میں تاخیر کرنے کا کیا حکم ہے ؟

جیسے ہی موت کی تصدیق ہوجاتی ہے ہر وارث اپنے حصے کا حقدر بن جاتا ہے اس کے بعد کہ ترکہ میں سے میت کی تجہیز کے اخراجات منہا کیے جائیں ،  میت پر کسی کا قرض ہے تو چکایا جاۓ ، اور اس کی وصیتوں، کفاروں  اور منتوں کو نافذ کرنے کے اخراجات منہا کر لئے جائیں۔ اور کسی وارث کے لیے جائز نہیں کہ وہ باقی وارثوں کو محروم کر کےیا اسے معظل کر کے ان کے شرعی مقررہ حق کو حاصل کرنے سے روکے ، اسی طرح سب وارثوں کے بغیر یا ان کی اجازت کے بغیر کسی ایک کا ترکہ میں تصرف کرنا یااس پر اجارہ داری قائم کرنا جائز نہیں ہے۔ بغیر عذر کے تقسیم کو روکنا یا ورثاء کی رضامندی کے بغیر اس میں تاخیر کرنا شریعت کی رو سے حرام ہے؛ آپ صلی الله عليه وآلہ وسلم کا فرمان ہے: ”جو شخص اپنے وارث کو میراث دلانے سے بھاگا، قیامت کے دن اللہ تعالیٰ اسے جنت کی میراث نہیں دے گا۔ (سنن ابن ماجہ)۔

آقا کریم نے فرمایا :جس نے وہ میراث دینے سے منع کیا جو الله نے مقرر فرمائی ہے الله تعالی اس سے جنت کی میراث روک دے گا ۔ اسے امام بیہقی نے شعب الایمان میں روایت کیا ہے۔

والله سبحانه وتعالى أعلم.