ت سال ٢٠٠٣ مندرج استفتاء پر ہم مطلع ہوئے جو حسب ذیل سوال پرمشتمل ہے:

سائل کہتے ہیں: میں نے دو سال سے فیصل اسلامی بینک میں گیارہ ہزار مصری پونڈ ڈپازٹ رکھے تاکہ ہر تین ماہ پر اس رقم کا فائدہ نکالوں اور اپنے روز مرہ کے اخرجات میں صرف کرلوں کیونکہ میری آمدنی میری ضرورتوں سے کم ہے. اب سائل پوچھتا ہے: کیا مجھے بینک میں دو سال تک رکھی گئی رقم کی زکوۃ نکالنا لازمی ہے؟ اور وہ ہر سال کی کتنی رقم بنے گی؟.

زکوۃ فرض ہے اور اسلام کے پانچ ارکان میں سے ایک رکن ہے یہ ایک مسلمان کے مال پر اس وقت واجب ہوتی ہے جب وہ مال شرعی مقرر کردہ نصاب کو پہونچ جائے اور اس پر ایک سال گذر جائے اور وه قرضے سے بھی خالی ہو نیز زکوۃ نکالنے والے کی بنیادی ضرورتوں سے زائد ہو اور جن کا نفقہ زکوۃ نکالنے والے کے ذمہ ہو ان کی ضرورت سے بھی فاضل ہو. شرعی نصاب کی مقدار اکیس کرٹ کے پچاسی گرام سونے کی رائج قیمت کے برابر ہے اس کا حساب زکوۃ نکالنے کے وقت کے مطابق لگایا جائیگا.
اس بنا پر اور سوال کو مد نظر رکھتے ہوئے سائل پر مجموعی اصل پونجی کی زکوۃ نکالنا واجب ہے اور اس رقم سے جو فائدہ ملتا رہا اس پر زکوۃ نہیں ہے کیونکہ وہ ملتے ہی پہلی فرصت میں اپنی ضروریات زندگی میں صرف کرتا جاتا تها، اس لئے زکوۃ صرف ان دو سالوں کی نکالنی ہو گی جن کی زکوۃ ابھی نہیں نکالی گئی ہے تاکہ اللہ تعالی کی بارگاہ میں بری الذمہ ہو. اور زکوۃ کی قیمت دسویں حصے کا چوتھائی حصہ ہے یعنی ڈھائی فیصد.

امید ہے کہ مذکورہ بالا بیان سے جواب حاصل کرلیا جائیگا.

باقى اللہ سبحانہ و تعالی زیادہ بہتر جاننے والا ہے.