ہم مطلع ہوئے جو مندرجہ ذیل سوال پر مشتمل ہے:

میں اپنے پیسے ایک ایسے آدمی کے پاس رکھتا ہوں جو کھانے کی دکان یا گوشت کی دکان وغیرہ جیسے تجارتی اور کاروباری سرگرمی سے وابستہ ہے، دریافت طلب امر یہ ہے کہ اس مال کے رکھنے کی شرعی صورت کیا ہے تاکہ ہمارے درمیان معاہدہ شریعت کے مطابق اور جائز ہو سکے؟ اور مجھے ان کی سنجیدگی پر کس طرح بھروسہ ہو سکتا ہے اور مجھے کس طریقے سے یہ اطمئنان حاصل ہو گا کہ وہ میرے ساتھ دھوکہ نہیں کریگا؟

اگر سوال کرنے والے اور اس کے شریکوں کے درمیان معاہدہ ہو اور سوال کرنے والے کی جمع پونجی اور شریکوں کی کاوشوں پر تجارت کی بنیاد رکھی گئی ہو اور خالص فائدے کی تقسیم منافع کے حساب سے ہونا طے پایا ہو تو ایسی صورت میں اس تجارت ميں کوئی ممانعت نہیں ہے، اور یہی شرعی مضاربہ کہلاتا ہے .

رہی بات مخصوص رقم کو متعین کرنے کی، جو اصل زر والے کو بطور فائدہ دی جاتی ہے تو ایسا عمل شریعت میں نا جائز ہے.

دھوکہ سے بچنے کی ضمانت معاہدے سے پہلے بھی ہو گی اور بعد میں بھی: معاہدے سے پہلے اس طرح ہو گی کہ حسن انتخاب سے کام لیا جائے، اورتجربہ کار اور ماہرین سے مشورہ لیا جائے، اور معاہدہ کے بعد اس طرح ہو گی کہ ایک دوسرے کے ساتھ خیر خواہی کے جذبے سے چلیں اور نگرانی کريں اور تجربہ کار اور ماہرین سے مشورہ لیں، اور ان سب امور سے بڑه كر اللہ تعالیٰ کا خوف دل میں رکھنا چاہئے : (وَمَن يَتَّقِ اللَّهَ يَجْعَل لَّهُ مَخْرَجًا ه وَيَرْزُقْهُ مِنْ حَيْثُ لَا يَحْتَسِبُ) - اور جو اللہ سے ڈرتا ہے وہ اس کے لیے نکلنے کا راستہ پیدا فرما دیتا ہے اور اس کو ایسی جگہ سے رزق عطا فرماتا ہے جہاں سے اس کا گمان بھی نہیں ہوتا - [سورہ طلاق: ٢،٣].

باقی اللہ سبحانہ و تعالی زیادہ بہتر جاننے والا ہے.