سال ٢٠٠٤ مندرج استفتاء پر ہم مطلع ہوئے جو حسب ذیل سوال پر مشتمل ہے:
سائل کہتا ہے: میری بیوی کام کرتی ہے اور اس کی ایک مستقل آمدنی ہے، اس کے والد بوڑھے ہیں ، مادی طور پر مناسک حج و عمرہ ادا کرنے کی استطاعت نہیں رکھتے ہیں، ان کی دو نرینہ اولاد بھی حج و عمرہ ادا کرنے میں ان کی مدد کرنے سے قاصر ہیں۔ میری بیوی چاہتی ہے اور میں بھی اس کے ساتھ متفق ہوں کہ وہ اپنے مالی ذخیرہ میں سے اس کےلئے اتنی رقم خاص کر دے جس سے ان کا حج و عمرہ ممکن ہو سکے . الحمد للہ ہم دونوں میاں بیوی نے حج ادا کر لیا ہے. اگر میرے خسر صاحب میری بیوی کے خرچے پر حج یا عمرہ ادا کریں تو کیا یہ عمل شرعی لحاظ سے جائز ہے؟.

اگر سائل کا خسر اپنی بیٹی کے خاص خرچے پر حج یا عمرہ کرے تو اس میں شرعی طور پر کوئی ممانعت نہیں ہے، بلکہ یہ عمل نیکی اور صلہ رحمی میں شامل ہے ،کیونکہ اگر کوئی صدقہ دینے والا کسی کو حج کےلئے صدقہ دیتا ہے تو وہ مال لینے والے کی ملکیت بن جاتا ہے، اور اس مال کی وجہ سے وه حج کےلئے مطلوبہ استطاعت کا مالک ہو جاتا ہے چونکہ اللہ تعالی کا فرمان ہے: (وَلِلّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَن كَفَرَ فَإِنَّ الله غَنِيٌّ عَنِ الْعَالَمِينَ) - اور اللہ کے لئے لوگوں پر اس گھر کا حج کرنا فرض ہے جو اس تک پہونچنے کی استطاعت رکھتا ہو، اور جو منکر ہو تو اللہ سارے جہانوں سے بے نیاز ہے - [آل عمران: ٩٧].
امید ہے کہ مندرجہ بالا بیان سوال کا جواب جاننے کے لئے کافی ہو.

باقى اللہ سبحانہ و تعالی زیادہ بہتر جاننے والا ہے.