جن لوگوں کے گردے فیل ہو جائیں یا کینسر اور دیگر دائمی بیماریوں میں مبتلا ہوں اور انہیں خون خریدنے کی ضرورت ہو لیکن خریدنے کی طاقت نہ رکھتے ہوں تو کیا ان کیلئے زکاۃ لینا جائز ہے؟ کیونکہ سرکاری علاج میں خون کی بوتلیں شامل نہیں ہوتیں۔ 

 الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ۔ اما بعد! جی ہاں جائز ہے؛ کیونکہ فقراء اور مساکین مصارف زکاۃ میں سے ہیں؛ اس لئے کہ اللہ تعالی نے ارشاد فرمایا: ﴿إِنَّمَا الصَّدَقَاتُ لِلْفُقَرَاءِ وَالْمَسَاكِينِ وَالْعَامِلِينَ عَلَيْهَا وَالْمُؤَلَّفَةِ قُلُوبُهُمْ وَفِي الرِّقَابِ وَالْغَارِمِينَ وَفِي سَبِيلِ اللهِ وَابْنِ السَّبِيلِ فَرِيضَةً مِنَ اللهِ وَاللهُ عَلِيمٌ حَكِيمٌ﴾ [التوبة: 60] یعنی: زکاۃ تو صرف ان کیلئے ہے جو فقیر، مسکین اور زکاۃ کے کام پر جانے والے ہیں اور جن کی دلداری مقصود ہے نیز گردنوں کو آزاد کرانے اور مقروضوں کیلئے اور اللہ کی راہ میں اور مسافروں کیلئے یہ سب فرض ہے اللہ تعالی کی طرف سے۔ اور اللہ تعالی سب کچھ جاننے والا دانا ہے''
اور فقیر اور اسی طرح مسکین وہی ہوتے ہیں جن کی آمدنی ان کی ضروریاتِ اصلیہ یعنی کھانے پینے، رہائش، لباس اور علاج کیلئے کافی نہ ہو۔
والله سبحانه وتعالى أعلم.