کیا ضرورت کے وقت ایک ہی قبر میں مردوں کو عورتوں کے ساتھ دفن کرنا جائز ہے اور عورت کو مرد کے ساتھ ایک ہی قبر کیسے دفن کیا جاۓ جبکہ مرد اس سے پہلے فوت ہو چکا ہو؟ 

الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ۔ اما بعد! واجب ہے کہ ہر میت کی قبر الگ ہو اس کے ساتھ کوئی دوسرا شریک نہ ہو، سواۓ اس صورت کے جب قبریں کم پڑ جائیں؛ تو صحت کے ساتھ یہ ثابت ہےکہ نبی اکرم صلی الله عليه وآله وصحبه وسلم دو اور تین شھداء کو ایک ہی قبر میں جمع فرما دیتے تھے۔ اسی طرح واجب ہے کہ مردوں کی الگ قبر ہو اور عورتوں کی الگ ہو، اگر ایسا آسانی سے ممکن نہ ہو اور حالات مردوں اور عورتوں کو ایک ہی قبر میں دفن کرنے کے متقاضی ہوں تو عورتوں اور مردوں کے درمیان اینٹوں کی آڑ اور یا مٹی کے ذریعے پردہ کرنا واجب ہے۔

والله سبحانه وتعالى أعلم.