سائل نے ایک با اخلاق اور دین دار لڑکی کو نکاح کا پیغام دیا ہے لیکن سائل کے والدین اس شادی کے لئے راضی نہیں ہیں اور انہوں نے فیصلہ کیا ہے کہ اگر یہ شادی ہوئی تو وہ سائل سے قطعہ تعلقی کر لیں گے اور ساری عمر اس سے ناراض رہیں گے۔اس بارے میں شرعی حکم مطلوب ہے۔ 

الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ۔ نبی اکرم صَلَّى اللهُ عَلَيْهِ وآله وَسَلَّمَ نے فرمایا: تُنْكَحُ الْمَرْأَةُ لِأَرْبَعٍ: لِمَالِهَا، وَلِحَسَبِهَا، وَلِجَمَالِهَا، وَدِينِهَا، فَاظْفَرْ بِذَاتِ الدِّينِ تَرِبَتْ يَدَاكَ۔رواه البخاري ومسلم واللفظ له.یعنی عورت سے چار چیزوں کی بنیاد پر نکاح کیا جاتا ہے: اس کے مال کی وجہ سے، اس کے خاندانی شرف کی وجہ سے ، اس کے حسن کی وجہ سے اور اس کی دینداری کی وجہ سے۔ پس تو دین دیندار عورت سے نکاح کر کے کامیابی حاصل کر تیرے ہاتھ خاک آلود ہوں۔
اس بناء پر : سائل کیلئے اس عورت سے شادی کرنا جائز ہے بشرطیکہ وہ دیندار ہو، با اخلاق ہو -جیسا کہ سوال میں مذکور ہے- اور سائل یہ خیال کرتا ہو کہ اگر اس عورت سے شادی ہو جائے گی تو وہ ازدواجی زندگی میں خوش رہ سکے گا، اور یہ عورت اس کے بچوں کی ماں بننے کی صلاحیت رکھتی ہے، اور جب وہ گھر نہیں ہو گا تو عورت اپنی جان کی، اپنی عزت کی اور پنے شوہر کے مال اور اس کی اولاد کی حفاظت کرے گی۔ اور اس صورت میں اس عورت سے شادی کرنا والدین کو عاق کرنا نہیں ہے۔
سائل پر واجب ہے کہ اپنے والدین کے ساتھ نرمی سے بات کرے اور س لڑکی سے وہ شادی کرنے پر انہیں راضی کرے۔
والله سبحانه وتعالى أعلم بالصواب.