اگر عورت نے زنا کر لیا اور جس سے زنا کیا اس سے شادی بھی کر لی تو کیا گناہ باقی رہے گا یا کہ صرف شادی کرنے سے زائل ہو جاۓ گا؟

 الحمد للہ والصلاۃ و السلام علی سيدنا رسول اللہ و آلہ وصحبہ و من والاہ۔ وبعد: زنا کبیرہ گناہوں میں سے ایک گناہ ہے جو توبہ کرنے سے زائل ہو جاتا ہے، اس توبہ کی یہ شرط نہیں ہے کہ جس کے ساتھ یہ جرم کیا ہے اس کے ساتھ شادی بھی کرے، بلکہ توبہ یہ ہے کہ زنا کو چھوڑ دے، اس پر نادم ہو اور پھر آئیدہ کبھی بھی یہ جرم نہ کرنے کا پختہ عزم کرے۔ جو توبہ کرتا ہے تو اللہ تعالی اس کی طرف نظرِ رحمت فرماتا ہے؛ چاہے اس کے بعد اس سے ساتھ شادی کرے یا نہ کرے، پس توبہ اس کے ساتھ شادی کرنے کرنے سے مشروط نہیں ہے اگر وہ دونوں توبہ کر لیں اور شادی کی خاطر ایک دوسرے کیلئے مناسب ہوں تو شادی کر لینا بہتر ہے۔
والله سبحانه وتعالى أعلم.