ت سال ٢٠٠٦ء مندرج استفتا پر ہم مطلع ہوئے جو مندجہ ذیل سوال پر مشتمل ہے:

یقینا اب گھروں کی طرح قبرستان بھی تنگ ہو چکے ہیں ، اور ساٹھ سال سے بھی زیادہ عرصہ سے ہمارا ایک ہی قبرستان ہے . اور ہمارے بیسوں خاندان میں سے ہر خاندان چھ افراد کی شرح سے بڑھ رہا ہے ، اور اب یہ قبرستان مرنے والوں کی تدفین کے لیے کافی نہيں رہا . تو کیا ہمارے لیے یہ جائز ہے کہ ہم اس قبرستان کو کئی منزلہ بنا دیں تاکہ یہ مرنے والوں کی تعداد کے لیے کافی ہو سکے ، واضح رہے کہ یہ قبرستان اب چاروں طرف سے آبادی میں گھر چکا ہے اور ہر طرف مکانات بن چکے ہیں اور اس سے ہٹ کر اور کوئی دوسری زمین بھی ميسر نہیں ہے؟.

شریعت میں واضح تصریح موجود ہے کہ ہر میت کو الگ الگ لحد یا درز میں دفنانا واجب ہے اس میں کسی کی شرکت نہیں ہونی چاہئے بشرطیکہ قبرستان میں تنگی نہ ہو ، چنانچہ صحیح روایت میں ہے کہ حضرت نبی کریم صلی اللہ علیہ وسلم نےجنگ احد میں شہید ہوئے صحابہ کو دو دو اور تین تین آدمی کو ایک قبر میں دفن فرما يا تھا . اسی طرح یہ بھی واجب ہے کہ مردوں اور عورتوں کی قبریں علیٰحدہ علیٰحدہ ہوں.

مذکورہ بالا بیان اور سوال کی صور تحال کے پیش نظر جب ضرورت کے وقت ایک سے زیادہ افراد کو ایک ہی قبر میں دفنانا جائز ہوا تو ضرورت کے پیش نظر ایک قبرستان کے اندر کئی منزل بنانا بھی جائز ہوگا تاکہ وہ ُمردوں کی زیادہ سے زیادہ تعداد کو سمیٹ سکے.

و اللہ سبحانہ و تعالی اعلم.