کیا اسلامی شریعت ایسا علم ہے جس کے باقاعدہ اپنے اصول ہیں یا یہ مجرد فکر ہے جس میں کوئی بھی اپنی رائے دے سکتا ہے

کسی کو یہ حق حاصل نہیں کہ وہ شریعت میں تحقیق کرے اور اس میں اپنی رائے دے جب تک کہ وہ ماہر  عالمِ دین نہ ہو۔، پس شریعت اسلامیہ ایک ایسا علم ہے جس کے اصول و قواعد قرآن و سنت کی نصوص، حضور نبی اکرم ﷺ کے فیصلوں اور صحابہ کرام رضوان اللّٰه علیھم اجمعین کے اجتہادات سے ماخوذ ہیں، یہ ایسے اصول ہیں جنہیں آئمہ کرام اور علماء عظام نے نکال کر  اپنی کتابوں میں درج کیا۔ جیسا کہ فقہاء کرام نے اس منہج کی تحدید کی ہے جس سے انسان علوم شرعی اور اس کے اصول و قواعد سیکھ سکتا ہے اور جو مشغول ہو یا ان اصولوں کو سیکھنے سے عاجز ہو سو اس کے لیے حکم یہ ہے کہ ]فَاسْاَلُـوٓا اَهْلَ الـذِّكْرِ اِنْ كُنْتُـمْ لَا تَعْلَمُوْنَ [ "سو اگر تمہیں معلوم نہیں تو اہلِ علم سے پوچھ لو"۔[النحل: 43]۔

لیکن ان انتہاء پسندوں کی مصیبت یہ ہے کہ وہ ان امور میں بھی تحقیق کرتے ہیں جن میں مہارت نہیں رکھتے اور پھر اسی پہ اکتفا نہیں کرتے بلکہ اپنی من پسند غلط رائے کو اپنے اردو گرد کے لوگوں پر بھی مسلط کرنے کی کوشش کرتے ہیں، اس پر بھی اکتفا نہیں کرتے بلکہ وہ علماء کی کی مخالفت کرتے ہیں اور ان پر طعن کرتے ہیں کہ انہوں نے دنیا کے لیے اپنے دین کو بیچ ڈالا ہے۔ اگر وہ زمانہ قدیم سے آج تک شریعت اسلامیہ کے اصول و ضوابط کو پڑھتے اور سمجھتے تو کبھی بھی علماء حق کی مخالفت نہ کرتے بلکہ ضرور ان کی قدر و منزلت کا اعتراف کرتے۔