جنازے کے ساتھ چلنے کا کیا حکم ہے اور اس کام کے مستحبات اور عمومی آداب کیا ہیں؟

شریعت نے ہمیں جنازے کے ساتھ چلنے کی ترغیب دلائی ہے اور جمہور فقہاء کے نزدیک یہ مستحب سنتوں میں سے ایک ہے اور جنازے کے پیچھے چلنا مسلمان بھائی  کا اپنے بھائی پر حق ہے۔ اس امر میں کئی چیزیں مطلوب ہوتی ہیں  جن میں سے کچھ یہ ہیں:

1. نمازِ جنازہ ادا کرنا، اس کے جنازے کو اٹھا کر لے جانا، اور اس کے دفن ہونے تک اس کے ساتھ جانا۔

2. اسے قبر تک لے جانے میں ایک دوسرے پر پہل اور جلدی کرنا۔

3. خشوع وخضوع کا خیال رکھنا۔

4. کوئی نوحہ یا آہ و زاری نہ ہو ۔

  5. جنازے کے ساتھ جاتے ہوۓ دنیاوی گفتگو نہ کرنا۔

6. میت کی قبر پر کھڑے ہو کر استغفار کرنا اور اس کے لیے رحمت اور استقامت کے ساتھ دعا کرنا مستحب ہے۔

جو ان سب چیزوں کو پورا کرے گا اسے ثوابِ کثیر اور اجر عظیم ملے گا۔