نمازِ عشا کو آدھی رات تک مؤخرکرنے کا کیا حکم ہے؟

رسول اللہ صلی اللہ علیہ وسلم سے ثابت شدہ احادیث میں یہ آیا ہے کہ  نمازِ عشا کو اول وقت  سے رات کے ایک تہائی حصے یا نصف رات تک مؤخر کرنا افضل ہے، ان احادیث میں سے ایک حدیث امام  ترمذیؒ نے حضرت زید بن خالد الجہنی رضی اللہ عنہ سے روایت کی ہے کہ رسول اللہ صلی اللہ علیہ وسلم نے فرمایا:" اگر مجھے اپنی امت کے حرج و مشقت میں مبتلا ہونے کا خطرہ نہ ہوتا تو میں انہیں ہر نماز کے وقت (وجوباً ) مسواک کرنے کا حکم دیتا، نیز میں نمازِ عشاء کو تہائی رات تک مؤخر کر دیتا"۔

یہ حکم اس کے لیے ہے جو جانتا ہے کہ اگر وہ اس میں تاخیر کرے گا تو اس پر نیند یا سستی غالب نہیں آئے گی، اور  اس کے ساتھ یہ کہ وہ مساجد میں اذان اور اقامت کے اوقات کو مدنظر رکھتے ہوئے نمازِ عشا  گھر میں پڑھ رہا ہو، بصورت دیگر ضروری ہے کہ نمازِ عشا جلدی اور اول وقت میں ادا کی جاۓ۔