کیا لوگوں کی غلطیوں اور گناہوں کا سراغ لگانا اور انہیں جاننے کی کوشش کرنا حرام ہے؟ اور اس فعل سے توبہ کیسے کی جاۓ؟

اس فعل کا شمار پوشیدہ رازوں کا سراغ لگانے میں ہوتا ہے لوگوں کے پوشیدہ رازوں کا سراغ لگانا جائز نہیں ہے۔ کیونکہ دوسروں کے عیبوں کی سراغ رسانی کرنا ان برے اخلاق اور حرام کاموں میں سے ہے جو آپس میں نفرت کے بیج بوتے ہیں اور معاشرے میں فساد پھیلاتے ہیں۔

جو شخص لوگوں کے رازوں کی سراغ رسانی کرتا ہے اسے چاہیے کہ وہ سچی توبہ کرے، اور ان لوگوں سے معافی مانگے جن پر اس نے ظلم کیا ہے، مگر اپنی بدنامی نا ہونے دے، ورنہ اسے چاہیے کہ جو کچھ ہوا ہے اپنے اور اپنے رب کے درمیان اس پر توبہ کرے اور ان لوگوں کے لیے استغفار کرے۔اور لوگوں کے جن عیبوں کا اسے پتا ہے ان کی وجہ سے لوگوں سے بغض نہ رکھے اور ان کی قدر ومنزلت نہ گھٹاۓ۔

آپ صلی اللہ علیہ وسلم نے فرمایا: "جس نے کسی مسلمان کی پردہ پوشی کی، اللہ تعالیٰ قیامت کے دن اس کی پردہ پوشی فرماۓ گا۔" متفق علیہ۔

بہتر ہے کہ انسان اپنے عیبوں کو دیکھے اور اپنے گناہوں سے توبہ کرے۔