نبی اکرم ﷺ کی نعت پڑھنے اور حمد و ثنا کرنے اور اسلامی نغمے پڑھنے کا کیا حکم ہے

ایک اعلیٰ وارفع اور خوبصورت ترین چیز جس سے بندہ اپنے عظیم خالق اور اس کے رسول سے اپنی محبت کا اظہار کرتا ہے وہ حمد و ثنا اور نعت ہے، کیونکہ یہ محبت اور خلوصِ مودت کی دلیل ہیں۔ جب بھی انسان کسی چیز سے محبت کرتا ہے تو  اس کی بہت زیادہ تعریف کرتا ہے اور اکثر اسی کا ذکر کرتا ہے اور مضمون کی زبان تو صرف صورت حال کا اظہار کر رہی ہوتی ہے۔ اور ہر چیز کی تعریف  اس چیز کی عزت بڑھاتی ہے سوائے اللہ تعالی حمد کے اور اس کے رسول کی نعت کے، اللہ تعالی اور اس کے رسول ﷺ  کی حمد و ثناء نعت خوان کی عزت وشرف کا باعث ہیں۔ اللہ تعالی اور اس کے رسول ﷺتو ہر چیز سے زیادہ مدح وثنا  کے حق دار ہیں۔  اسود بن سریع رضی اللہ عنہ کہتے ہیں کہ میں نے عرض کیا: یا رسول اللہ، میں نے اللہ تعالیٰ کی حمد کے ساتھ اس کی تعریف کی اور آپ ﷺ کی نعت کے ساتھ آپ ﷺ کی تعریف کی،تو آپ صلی اللہ علیہ وسلم نے فرمایا: "آؤ اور اللہ تعالی کی حمد و ثنا شروع کرو۔" اسے امام احمد رحمہ اللہ نے روایت کیا ہے۔