نبی اکرم ﷺ کی نعت پڑھنے اور حمد و ثنا کرنے کا اور دینی نغمے پڑھنے کا کیا حکم ہے

وہ اعلیٰ وارفع اور خوبصورت ترین چیزیں جس سے بندہ اپنے خالقِ عظیم اور اس کے رسول ِ کریمﷺ سے اپنی محبت کا اظہار کرتا ہے حمد و ثنا اور نعت بھی ان میں سے ہیں، کیونکہ یہ محبت اور خلوصِ مودت کی دلیل ہیں، جب بھی انسان کسی چیز سے محبت کرتا ہے تو  اس کی بہت زیادہ تعریف کرتا ہے اور اکثر اسی کا ذکر کرتا ہے اور مضمون کی زبان تو ْ لسانِ حال کا ہی اظہار کر رہی ہوتی ہے۔ اور ہر چیز کی تعریف  اس چیز کی عزت بڑھاتی ہے سوائے اللہ تعالی حمد کے اور اس کے رسول کی نعت کے، اللہ تعالی اور اس کے رسول ﷺ  کی حمد و ثناء نعت خوان کی عزت وشرف کا باعث ہیں بلکہ اللہ تعالی اور اس کے رسول ﷺ سب سے زیادہ مدح وثنا  کے حق دار ہیں۔  حضرت اسود بن سریع رضی اللہ عنہ کہتے ہیں کہ میں نے عرض کیا: یا رسول اللہ، میں نے اللہ تعالیٰ کی حمد بیان کی ہے اور آپ ﷺ کی مدح کی ہے،تو آپ صلی اللہ علیہ وسلم نے فرمایا: "آؤ اور اللہ تعالی کی حمد و ثنا شروع کرو۔" اسے امام احمد رحمہ اللہ نے روایت کیا ہے۔