تدفین کے بعد میت کیلئے دعا اور استغار کی خاطر قبر پر ٹھہرنے کا کیا حکم ہے؟

تدفین کے بعد قبر پر کھڑے ہو کر میت کے لیے استغفار کرنا اور اس کے لیے دعا کرنا سنت ہے۔ امیر المومنین سیدنا عثمان ذوالنورین رضی اللہ عنہ سے روایت ہے کہ آپ رضی اللہ تعالی عنہ نے فرمایا: جب رسول اللہ صلی اللہ علیہ وسلم کسی میت کو دفنانے سے فارغ ہوتے تو آپ صلی اللہ علیہ وسلم اس کی قبر پر کھڑے ہو جاتےاور فرماتے: اپنے بھائی کے لیے استغفار کرو اور اس  کیلئے ثابت قدمی کی دعا کرو،  اب اس سے پوچھ گچھ ہو رہی ہے۔‘‘ اسے امام ابوداؤد نے روایت کیا ہے۔

امام نووی رحمہ اللہ "الذکر" (1/161) میں فرماتے ہیں: [تدفین سے فارغ ہو کر کچھ وقت اس کے پاس بیٹھنا مستحب ہے۔ جس کی مقدار اتنی ہو جس میں اونٹ ذبح کر کے اس کا گوشت تقسیم کر دیا جاتا ہے، اور بیٹھنے والے قرآن کی تلاوت، میت کے لیے دعا، وعظ ونصیحت، نیک لوگوں کے قصے اور صالحین کے حالات میں مشغول رہیں۔ اور اصحابِ شافعیؒ فرماتے ہیں: مستحب یہ ہے کہ وہ اس کے پاس قرآن میں سے کچھ پڑھا جاۓ اور اگر مکمل قرآنِ مجید پڑھا جاۓ تو بہت اچھا ہے۔ اهـ.