ایک مسلمان کی اپنے اردگرد پھیلی ہوئی افواہوں کے متعلق کیا ذمہ داری ہے؟

اسلام نے افواہوں کی اس طرح بیخ کنی کی ہے کہ مسلمانوں کو خبروں پر حکم لگانے سے پہلے ان کی تصدیق کرنے کا پابند کیا ہے، اور حکم دیا ہے کہ ان خبروں کو پھیلانے اور ان کے بارے میں بات کرنے سے پہلے ان معاملات کے متخصصین اور اہلِ علم سے رجوع کیا جائے۔ ارشاد باری تعالیٰ ہے: ’’ اے ایمان والو! اگر کوئی فاسق تمہاے پاس کوئی سی خبر لائے تو اس کی تحقیق کیا کرو کہیں کسی قوم پر بے خبری سے نہ جا پڑو پھر اپنے کیے پر پشیمان ہونے لگو۔‘‘(الحجرات:6) ۔

اسلام نے افواہیں سننے اور پھیلانے سے بھی منع کیا ہے اور اللہ تعالیٰ نے ان لوگوں کی مذمت کی ہے جو افواہیں اور فتنہ پھیلانے کیلئے بہت کان لگا کر باتیں سنتے ہیں۔ اللہ تعالیٰ نے فرمایا: ’’ اگر وہ تم میں نکلتے تو سوائے فساد کے اور کچھ نہ بڑھاتے اور تم میں فساد ڈلوانے کی غرض سے دوڑے دوڑے پھرتے، اور تم میں ان کے جاسوس بھی ہیں، اور اللہ ظالموں کو خوب جانتا ہے۔‘‘   (التوبہ:47)۔