ضرورت مندوں کو خوراک اور دوائی کی فراہمی کے لیے زکوٰۃ دینے کا کیا حکم ہے؟

اسلامی شریعت میں مالِ زکوٰۃ غریبوں اور ناداروں کو ضرورت کے مطابق کھانے پینے کی اشیاء یا ادویاتِ علاج  کی فراہمی کیلئے خرچ کرنا جائز ہے۔ کیونکہ زکوٰۃ کا بنیادی اصول اگرچہ یہی ہے کہ جس چیز پر کوٰۃ واجب ہو اسی کی جنس سے ادا کی جاۓ مگر زکاۃ کا سب سے بڑا مقصد فقراء و مساکین کی ضروریات کو پورا کرنا ہے، اور زکوٰۃ کے طور پر ادا کی گئی جنس جتنی زیادہ فقراء کی ضروریات کیلئے مناسب اور نفع بخش ہوگی اتنی ہی مقصودِ زکوٰۃ حاصل کرنے کے قریب ہو گی۔