ایک آدمی نےکوئی نذر مانی پھر اسے نذر کی چیز پر شک ہو گیا، تو اس کا کیا حکم ہے؟

جس نے نذر مانی اور پھر اس کو نذر کی قسم میں شک ہو جائے یا بھول جائے کہ نمازکی نذر مانی تھی یا کہ روزہ یا صدقہ یا کسی اور چیز کی، پس وہ اجتہاد کرے گا یہاں تک کہ اسے کسی ایک چیز پر غالب گمان ہو جائے تو اس پر عمل کرے گا۔ اگر اس نے اجتہاد کیا مگر معلوم نہ ہو سکا کہ اس نے کس قسم کی نذر مانی ہے تو اسے قَسم کا کفارہ ادا کرنا ہو گا؛ کیونکہ نذر مانی ہوئی چیز میں شک ہونا ایسا ہی ہے جیسے اس کا نام نہ لیا گیاہو، اور اس لیے بھی کہ نذر کی نوع کو متعین کرنے سے عاجز ہونے کی وجہ سے وہ اس شخص کی طرح ہو جاتا ہے جس نے نذر مانی اور پھر اسے پورا نہ کرسکا۔

والله سبحانه وتعالى أعلم.