مہر میں غلو کرنے کا شرعی حکم کیا ہے اور اس کے اثرات کیا ہیں ؟

مہر میں غلو اسلام کا طریقہ نہیں ہے۔ کیونکہ نکاح کا اصل مقصد لڑکے اور لڑکی کی عفت ہے۔ آپ صلی اللہ علیہ وسلم نے فرمایا: "سب سے زیادہ بابرکت عورتیں وہ ہیں جن کا مہر دینا آسان ہو" اسے امام حاکم نے "المستدرک" میں روایت کیا ہے۔

ضروری ہے کہ مہر میں غلو نہ کیا جائے اور اگر باپ کو کوئی اچھا شوہر مل جائے تو وہ اپنی بیٹی کی شادی میں ہر طرح سے سہولت فراہم کرے۔ تاکہ ہم اپنے جوان مردوں اور عورتوں کو انحراف سے محفوظ رکھ سکیں، سیدنا رسول اللہ صلی اللہ علیہ وآلہ وسلم نے ہمیں نصیحت فرمائی ہے: "اگر تمھارے پاس کوئی ایسا شخص آئے جس کے دین اور کردار سے تم راضی ہو تو اس کا نکاح کروا دو ، اگر تم نے ایسا نہ کیا تو زمین پر بہت فتنہ وفساد پھیل جائے گا۔ روایتِ امام ترمذی۔