نوافل کی رکعات کی تعداد  کتنی ہے  اور ان کے اوقات کیا ہیں؟  

پانچ نمازوں میں فرض رکعتوں سے پہلے یا بعد میں جو نمازیں پڑھی جاتی ہیں وہ یا تو سنت مؤکدہ ہوتی ہیں، جن کو رسول اللہ ﷺ نے ہمیشہ پابندی کے ساتھ ادا کیا، جیسا کہ حدیث شریف میں آیا ہے: "جس شخص نے دن اور رات میں بارہ  رکعات پابندی سے ادا کی وہ جنت میں داخل ہوگا؛ چار رکعات ظہر سے پہلے، دو رکعتیں ظہر کے بعد، دو رکعتیں مغرب کے بعد، دو رکعتیں عشاء کے بعد اور دو رکعتیں فجر سے پہلے۔" (روایت نسائی)

یا وہ غیر مؤکدہ سنتیں ہوتی ہیں، جنہیں بلا تاکید پڑھنا مستحب ہے؛ جیسے عصر سے پہلے دو رکعتیں، مغرب سے پہلے دو رکعتیں اور عشاء سے پہلے دو رکعتیں، جیسا کہ حدیث میں آیا جسے ایک جماعت نے  عبداللہ بن مغفل رضی اللہ عنہ سے روایت کیا ہےکہ نبی اکرم صلی اللہ علیہ و آلہ و صحبہ وسلم نے فرمایا : "ہر اذان اور اقامت کے درمیان نماز ہے، ہر اذان اور اقامت کے درمیان نماز ہے پھر تیسری بار فرمایا: جو چاہے۔" تاکہ لوگ اسے سنت نہ بنا لیں۔ ان سنتوں کو نفل یا تطوع کی نماز کہا جاتا ہے۔