انسان کو جب کوئی غم یا پریشانی لاحق ہو تو کون سی دعا قبول ہوتی ہے؟

یہ مستحب ہے کہ جب کسی انسان پر غم یا پریشانی آئے تو وہ وہی دعا کرے جو نبی کریم صلی اللہ علیہ وآلہ وسلم ایسی حالت میں کیا کرتے تھے۔ حضرت انس رضی اللہ عنہ سے مروی ہے کہ نبی کریم صلی اللہ علیہ وآلہ وسلم جب کسی مشکل میں ہوتے تو فرمایا کرتے: "يَا حَيُّ يَا قَيُّومُ، بِرَحْمَتِكَ أَسْتَغِيث" (اے زندہ جاوید اور قائم رہنے والے، میں تیری رحمت کا طلبگار ہوں)۔ اس روایت کو امام ترمذی نے اپنی سنن میں نقل کیا ہے۔