سائل کا ایک بیٹا ہے جو سیدھی راہ سے منحرف ہو گیا ہے اور اپنے والد کی بہت سی دولت کو جوئے وغیرہ میں  ضائع کرنے میں صرف کر چکا ہے۔ سائل چاہتا ہے کہ مذکورہ بیٹے کو وراثت سے محروم کر دے اور وراثت کو اپنی چار بیٹیوں کے لیے مخصوص کر دے۔ فقہی حکم جاننے کی درخواست ہے کہ کیا اسے اپنے بیٹے کو وراثت سے محروم کرنے کا حق حاصل ہے یا نہیں؟

الحمد لله والصلاة والسلام على سيدنا رسول الله وعلى آله وصحبه ومن والاه، وبعد؛ شرعاً یہ بات مسلم ہے کہ وراثت جبری ہوتی ہے؛ اس لئے کوئی بھی شخص کسی وارث کو اس کے حقِ وراثت سے محروم نہیں کر سکتا، چاہے وہ والد ہو یا کوئی اور، سوائے اس صورت کے کہ وہ شخص جسے محروم کرنا مقصود ہے، اس میں وراثت کے شرعی موانع میں سے کوئی مانع موجود ہو، -جن شرعی موانع کا ذکرمصری قانون نمبر 77 ؁ 1943 میں کیا گیا ہے — مثلاً قتل وغیرہ، چنانچہ اگر ایسا کوئی مانع موجود ہو تو اس کی وجہ سے اسے شرعاً وراثت سے محروم کیا جائے گا۔ اور مذکورہ تفصیل سے سوال کا جواب معلوم ہو جاتا ہے۔

والله سبحانه وتعالى أعلم.