ال ٢٠٠٦ مندرج استفتاء پر ہم مطلع ہوئے جو حسب ذیل سوال پر مشتمل ہے:

بنک کی وساطت سے قسطوں پر فلیٹ خرید لینے کا کیا حکم ہے، واضح رہے کہ اس کی صورت یہ ہوتی ہے کہ خریدنے والا فلیٹ کی پیشگی رقم ادا کردیتا ہے پھر باقی ماندہ قیمت اس کی طرف سے بینک ادا کردیتا ہے اورپھر بینک باہم طے شدہ معاہدے کے مطابق زائد رقم کے ساتھ قسطوں پر اس سے وصول کرتا ہے.

شریعت مطہرہ میں یہ بات طے شدہ ہے کہ نقد قیمت اور مقرره وقت تک کےلئے اُدھار قیمت والي تجارت دونوں طرح سے درست ہے، اور شرعی لحاظ سے متعین مدت کے بدلے میں زیادہ قیمت لینا بھی جائز ہے، جیسا کہ جمہور فقہائے کرام کا مذہب ہے، کیونکہ یہ عقد بیع مرابحہ کی ہی ایک صورت ہے، اور بیع مرابحہ شرعی لحاظ سے جائز ہے، اس بیع میں یہ شرط لگانا جائز ہے کہ مدت کے بدلے میں مزید قیمت لی جائیگی، چونکہ وقت اگرچہ حقیقت میں مال نہیں ہے مگر بیع مرابحہ میں بالقصد اسی کی وجہ سے قیمت بڑھائی جاتی ہے اور متعین مدت کے بدلے میں زیادہ قیمت کی تصریح کر دی جاتی ہے، اور جانبین اس پر رضامند ہوتے ہیں، پھر اس عقد کے نا جائز ہونے کی کوئی علت بھی نہیں ہے، اور لوگ چاہے فروخت کرنے والے ہوں یا خریدنے والے ہوں سب کو اس کی شدید ضرورت پڑتی ہے، اس حالت میں بینک ایک واسطہ ہے جو بیچی جانے والی چیز كو یا اس کے ایک حصے كو خریدتا ہے اور واقعی طور یا حکمی طور اس کا مالک ہو جاتا ہے پھر خریدنے والا اس سے زیادہ قیمت پر ایک متعین مدت تک خرید لیتا ہے، اگرچہ اس کو کبھی کبھی قرض کا نام دیا جاتا ہے مگر در حقیقت یہ قسطوں پر خرید و فروخت میں سے ہے اور یہ جائز ہے کیونکہ فقہی قاعدہ ہے کہ جب سامان بیچ میں آجائے تو سود نہیں ہے.