میرے شوہر نے اپنی وفات سے پہلے اپنے بیٹے سے یہ وصیت کی تھی کہ اس کا مال جو پیسوں کی شکل میں پڑا ہے اس کی وفات کے بعد وہ میرا ہوگا اور اس طرح کی بات اس نے لوگوں کے سامنے کئی بار کی تھی اور ہمارے ارد گرد بہت سے لوگ اس بات کو جانتے بھی ہیں کیونکہ میں زندگی بھر کام کرتی رہی ہوں اور اپنے پیسے شوہر کے ساتھ رکھ دیا کرتی تھی اور وہ بنک میں جمع کروا دیا کرتے تھے۔ تو اب اس کا شرعی حکم کیا ہے ؟ 

 الحمد للہ والصلاۃ والسلام علی رسول اللہ وآلہ وصحبہ ومن والاہ ۔ اما بعد: مصری قانون نمبر 71  1946م " وصیت برائے وارث اور غیر وارث " دونوں کیلئے جائز ہے اوریہ قانون بعض اہل علم کی رائے پر قائم ہے۔ تہائی ترکہ میں وصیت نافذ کرنے میں ورثا کی اجازت لینے کی بھی ضرورت نہیں ہو گی اور جو تہائی زیادہ ہوگی تو اس میں ورثا کی اجازت ضروری ہوگی ، اگر انہوں نے موافقت کردی تو نافذ ہو جائے گی اور اگر انکار کر دیا تو نافذ نہیں ہو گی۔ اگر کچھ ورثا نے موافقت کی اور کچھ نے انکار کردیا تو جنہوں نے موافقت ان کے حق میں ںافذ ہو جائے گی اور جنہوں نے انکار کیا ان کے حق میں نافذ نہیں ہو گی ۔ یہ سب کچھ اس صورت میں ہو گا جب وصیت کرنے والا کامل اہلیت رکھتا ہو اور جس چیز کی وصیت کر رہا ہے اسے جانتا بھی ہو۔

اس بنا پر مذکورہ سوال میں ہم کہیں گے کہ وصیت جب شفوی ہے اور بیٹے کے علاوہ اسے کسی نے سنا بھی نہیں تو اس کا حکم ورثا کے پر موقوف ہو گا کیونکہ اسے نافذ کرنے یا نہ کرنے کا معاملہ انہیں سے متعلق ہے۔ اگر ورثا نے اس بیٹے کو سچا مان لیا تو تہائی ترکہ میں وصیت کونافذ کرنا واجب ہو جائے گا اس میں کسی سے اجازت لینے کی بھی ضرورت نہیں ہوگی۔ اور تہائی سے زیادہ مال میں ورثاء کی موافقت کے مطابق عمل کیاجائے گا، جس کی تفصیل پہلے بیان کر چکے ہیں۔ اور اگر انہوں اس بیٹے کی تصدیق نہ کی تو وصیت کو نافذ کرنا واجب نہیں ہوگا، کیونکہ وہ ان کے نزدیک ثابت ہی نہیں ہوئی اور اس تمام وصیت کو نافذ کرنا ان کیلئے اختیاری ہوگا۔

واللہ تعالی اعلم بالصواب ۔