میرا شوہر مجھ سے بد سلوکی کرتا ہے۔ اس کا کیا حکم ہے؟

 شوہر کا اپنی بیوی کے ساتھ بدسلوکی کرنا شرعاً ناجائز ہے۔ اسلام شوہر کو اپنی بیوی کے ساتھ حسن سلوک کا حکم دیتا ہے اور اللہ تعالیٰ نے فرمایا ہے کہ ازدواجی زندگی سکون، پیار اور رحمت پر استوار ہوتی ہے پس اللہ تعالیٰ نے فرمایا ہے: (اور اس کی نشانیوں میں سے یہ ہے کہ اس نے تمہارے لیے تمہاری جنس کی بیویاں بنائیں تاکہ تم ان کی طرف سکون حاصل کرو اور اس نے تمہارے درمیان پیار اور رحمت پیدا کر دی ہے، اس میں غور و فکر کرنے والوں کے لیے نشانیاں ہیں)۔ [الروم: 21]، رسول اللہ صلی اللہ علیہ وسلم نے شوہروں کے بہتر ہونے کا معیار ان کی بیویوں کے ساتھ ان کے حسن سلوک پر قائم کیا ہے۔ ام المومنین سیدہ عائشہ صدیقہ رضی الله عنہا سے مروی ہے کہ آپ صلی الله عليه وسلم نے فرمایا: تم میں سے بہتر وہ ہے جو اپنے گھر والوں کے لیے بہتر ہے اور میں اپنے گھر والوں کے لیے تم سب سے بہتر ہوں۔( ترمذی)