ہم جب مسجد میں داخل ہوئے تو امام کو آخری تشہد میں پایا اور ہم بھی پوری جماعت کی شکل میں تھے، تو کیا ہمیں جماعت کےساتھ شریک ہو جانا چاہیے تھا یا کہ ایک دوسری جماعت کرواتے، کیونکہ ہم میں سے کچھ لوگ یہ کہہ رہے تھے کہ جماعت پانے کیلئے کم از کم ایک رکعت کا پانا ضروری ہے؟

 الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ۔ اما بعد! جمہور علماۓ اسلام کا مذہب یہ ہے کہ اگر نمازی امام کے ساتھ نماز کے ایک جز میں بھی مل گیا اس نے جماعت کو پا لیا اگرچہ سلام سے پہلے قاعدہ اخیرہ کا آخری حصہ ہی کیوں نہ ہو۔
اس بناء پر ہم کہیں گے کہ آپ کیلئے آخری تشہد میں امام کے ساتھ نماز میں داخل ہونا جائز ہے اور جمہور علماۓ اسلام کی راۓ کے مطابق آپ کو جماعت کا ثواب ملے گا۔
والله سبحانه وتعالى اعلم۔