میرے پاس پرنٹنگ پریس ہے اور کسی افریقی ملک کے میرے ایک گاہک نے مجھے ایک کتاب چھاپنے کیلئے کہا ہے جو کسی عربی ملک کے کسی ناشر کی ہے اور اس کتاب پر لکھا ہوا ہے '' حقوقِ طبع محفوظ ہیں'' اور یہ کتاب اسے بہت زیادہ مقدار میں چاہیے اور اس میں منافع بھی کافی زیادہ ملے گا، پرنٹنگ پریس میں میرے اکثر حصہ دار یہ کتاب چھاپنے پر راضی ہیں، سوال یہ ہے کہ کیا یہ کتاب چھاپنا جائز ہے؟

 الحمد للہ والصلاۃ و السلام علی سيدنا رسول اللہ وعلى آلہ وصحبہ و من والاہ۔ وبعد: اگر صورتِ حال یہی ہے جو سوال میں بیان کی گئی ہے کہ مذکورہ کتاب کے حقوقِ طبع محفوظ ہیں، تو سائل کیلئے یا کسی اور کیلئے تجارتی سطح پر اس کتاب کو طبع کرنا جائز نہیں ہے؛ کیونکہ صاحبِ حق کی اجازت کے بغیر اس کتاب کے طبع کرنے میں اس کی حق تلفی ہے چاہے یہ حق مصنف کا ہو یا ناشر کا ہو، اس لئے اس کی اجازت کے بغیر یہ کتاب چھاپنے سے ہونے والا منافع شرعا حرام ہوگا۔

والله سبحانه وتعالى أعلم.