کیا سربراہِ داعش کی بیعت صحیح اور شرعاً بیعت کے احکام لازم کرنے والی ہے؟

داعش کے سربراہ کی بیعت غیر شرعی بیعت ہے اور یہ بیعت کے احکام لازم کرنے والی نہیں اور نہ ہی اس پر بیعت کا اطلاق ہوتا ہے، کیونکہ اسلامی مفہوم کے مطابق بیعت کی کچھ شرائط ہیں جن کا امام میں پایا جانا ضروری ہے جن میں چند یہ ہیں: عدالت، اپنی تمام شروط کے ساتھ اس شخص میں موجود ہو(یعنی وہ شخص اپنی سیرت میں صاحب استقامت ہو) سربراہِ داعش میں یہ صفت کلیۃً مجہول ہے، کیونکہ اس کی سیرت کا کسی کو پتا ہی نہیں بلکہ اس کا اصلی نام بھی معلوم نہیں تو پھر وہ کیسے مسلمانوں کا امام بن سکتا ہے، اور حاکم کی بیعت کے مقاصد میں سے یہ بھی ہے وہ ان علوم ومعارف سے آشنا ہو جو اس عظیم فریضہ کو انجام دینے اور عوام کے مفادات کو حاصل کرنے میں مددگار ہوتے ہیں اور وہ شخص سب کے ہاں مشہور ومعروف ہو، لیکن جو شخص ذاتی طور پر مجہول ہو تو لوگ اس کی حیثیت، علم اور اہلیت کو کیسے جانیں، اور یہ چیزیں اس بات کی تصدیق کرتی ہیں کہ یہ بیعت شرعی طور پر باطل ہے۔