دورِ حاضر کے خوارج نے مصر میں عوامی ذوق اور سماجی ومذہبی زندگی کو کیسے خراب کیا اور نقصان پہنچایا؟

دورِ حاضر کے خوارج شاذ نظریات  کے ساتھ منفرد منہج پر قائم ہیں لوگوں کو دھوکہ دیتے ہیں کہ یہ افکار دین کا حصہ ہیں ان افکار میں حکومتوں کے ساتھ مستقل دشمنی اور یہ دعویٰ ہے کہ آج اسلامی دنیا پر حکومت کرنے والی تمام حکومتیں اگر کافر نہیں تو کم از کم  ظالم ضرور ہیں اور یہ کہ ہمارے ممالک میں شریعت نافذ نہیں اور سرکاری اداروں کے علماء حکومتی علماء ہیں جو دین کو دنیا کے بدلے بیچ چکے ہیں، اس کے علاوہ ایسی ایسی خرافات اور جھوٹ پھیلاتے ہیں جو مسلمانوں اور ایک ہی ملک کے باشندوں کے درمیان انتشار کی آگ کو ہوا دیتے ہیں۔ ان اصول کا عکس ان لوگوں کے افعال میں دکھائی دیتا ہے جو ان کے جھوٹ اور بہتان پر یقین رکھتے ہیں، لہذا ہم دیکھتے ہیں کہ کچھ لوگ سرکاری اموال کو حلال سمجھتے ہیں جس کی بنیاد پر ان کے ذہنوں میں حکومتوں کے ظالم بلکہ کافر ہونے کا تصور بسا ہوا ہے، وہ سرکاری اداروں کے علماء کی طرف رجوع نہیں کرتے بلکہ ان کی توہین کرتے ہیں ہم وطنوں اور سب انسانوں کے لیے بغض اور نفرت پھیلاتے ہیں، ان کے ساتھ معاملات نہیں رکھتے، اس کے علاوہ ان کے اور بھی بہت سے معاملات ہیں جو حقیقی دین اور اعلیٰ اخلاق سے بہت دور ہیں۔