انتہا پسند گروہوں نے اسلام میں جہاد کے تصور کو کس طرح مسخ کیا؟

انتہاء پسند جماعتوں نے جہاد کے اسلامی مفہوم کو اس طرح مسخ کیا انہوں نے  اسے اس کے  انتہائی وسیع مفہوم سے تنگ مفہوم کی طرف متقل کر دیا ہے یعنی اس کا وسیع مفہوم ہے اللّٰه کریم کی رضا کے حصول کے لیے اپنی نفسانی خواہشات و شہوات سے لڑنا اور اپنی طاقت و قدرت کو اس میں صرف کرنا ۔جبکہ انتہاء پسند گروہوں نے اس تصور جہاد کو تشدد، زیادتی، قتل اور تخریب کاری جیسے تنگ اور من گھڑت تصور تک محدود کر دیا ہے جس میں یہ لوگ کفار کی طرف بڑھنے سے پہلے اپنے ہی پرامن اور بیگناہ  لوگوں پر چڑھائی کرتے ہیں۔ہاں یہ صحیح ہے کہ شرع میں لفظ جہاد کا اطلاق قتال پر بھی ہوتا ہے جیسا کہ باری تعالیٰ نے ارشاد فرمایا: {يَآ اَيُّـهَا النَّبِىُّ جَاهِدِ الْكُفَّارَ وَالْمُنَافِقِيْنَ وَاغْلُظْ عَلَيْـهِـمْ ۚ} [التحریم:9] "اے نبی کافروں اور منافقوں سے جہاد کریں اور ان پر سختی کریں"، لیکن جہاد اپنی خاص متعدد شرائط کے بغیر درست نہیں، جہاد کو  صرف ظلم وزیادتی کرنے والوں کی جارحیت و استبداد کو روکنے کیلئے مشروع کیا گیا ہے اور اس حد سے تجاوز کرنا ممنوع ہے۔ اس پر دلیل یہ قول باری تعالیٰ ہے: ﴿وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلَا تَعْتَدُوا﴾ [البقرة: 190] "اور اللہ کی راہ میں ان سے لڑو جو تم سے لڑیں اور زیادتی نہ کرو"، اور جب ضرر سےدفاع حاصل  ہو جاۓ تو اس مفہوم ِ یق کے ساتھ جہاد ممنوع ہا جاتا ہے، اللہ تعالی کا ارشاد گرامی ہے : ﴿وَإِنْ جَنَحُوا لِلسَّلْمِ فَاجْنَحْ لَهَا﴾ [الأنفال: 61] " اور اگر وہ صلح کے لیے مائل ہوں تو تم بھی مائل ہو جاؤ"۔ اور جہاد اپنے وسیع مفہوم میں ہمیشہ باقی رہتا ہے اور ہر مسلمان پر فرض عین ہے، یہ فرض اس سے کبھی زائل نہیں ہوتا سوائے اس صورت کےجب انسان مکلف نہیں  رہتا اور اسی لئے شریعت میں اسے  جہاد اکبر کہا گیا ہے۔