اسلام میں قتل اور قتال کی اصطلاح میں کیا فرق ہے ؟

 اسلام میں قتل اور قتال کی اصطلاح میں کئی فرق ہیں ان میں سے پہلا یہ ہے کہ لفظِ قتال ردعمل اور  فعل میں دونوں طرف سے اشتراک پر دلالت کرتا ہے اور اس طرفین کی جانب سے تبادل  پایا جاتا ہے اس کے برعکس لفظِ قتل کے اس میں یہ مفہوم  نہیں ہے۔ دوسرا فرق یہ ہے کہ اسلام میں قتال ظالم  کی شان و شوکت کو توڑنے اور اس کے ضرر کو رفع کرنے کے لیے ہے ناکہ اسے قتل کرنااور نقصان پہنچانا مقصود ہوتا ہے  اور بعض اوقات قتال کے دوران لوگ مارے بھی جاتے ہیں لیکن یہ قتال کا ہدف نہیں ہے پس جب حملہ آور کی طرف سے ضرر رفع ہو جائے اور اس کی کمرٹوٹ جائے  چاہےبغیر قتال کے ہی صحیح تو قتال شرعاً موقوف ہو جائے گا جیسا کہ نبی رحمت ﷺ کا فرمان مبارک ہے :«أُمِرْتُ أَنْ أُقَاتِلَ النَّاسَ...» [متفق عليه]، مجھے کافروں سے جہاد کا حکم دیا گیا ہے پس یہاں فعل أقاتل طرفین سے اشتراک اور تبادل پر دلالت کرتا ہے یہاں حدیث میں لفظ ناس سے مراد قریش کے مشرک لوگ اور ان کے آس پاس کے وہ لوگ ہیں  جنہوں نے مسلمانوں پر زیادتی کرنے میں پہل کی، اور "أمرت" فعل امر نبی کریم ﷺ کے لیے خاص ہے جیسا کہ قرآن پاک میں ارشاد باری تعالیٰ ہے: ﴿وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلَا تَعْتَدُوا﴾ "اور قتال کرو اللہ کی راہ میں ان لوگوں سے جو تم سے قتال کریں اور حد سے تجاوز نہ کرو"۔ پس یہاں امرِقتال سے مراد حد سے بڑھ جانے والوں سے قتال ہے تاکہ ضرر رفع ہو جائے اور جب ضرر سے دفاع ہو جاۓ تو اسی آیتِ طیبہ میں اللّٰه کریم ہمیں ان پر زیادتی کرنے سے منع فرما دیتے ہیں۔