تصورِ ہجرت کے بارے میں معاصر دینی نقطہ نظر ہے؟ کیا کسی غیر مسلم ملک میں رہنے والے مسلمان پر اپنے مسلم ملک کی طرف ہجرت کرنا واجب ہے جیسا کہ انتہا پسند فکر کے لوگ کہتے ہیں؟

انتہاپسند اور دہشتگرد گروہوں نے روایتی طور پر عام لوگوں میں ہجرت کے تصور کو دھندلا کر رکھ دیا ہے، ا وہ غیر مسلم ممالک میں رہنے والے ہر فرد کو مجبور کرتے ہیں کہ وہ اس ملک کو چھوڑ کر کسی دوسرے ملک چلے جائیں۔ تاکہ وہ اپنے دین کے ساتھ فرار ہو کر اپنے عقیدے کو محفوظ رکھ سکیں، اور ان کے زعم کے مطابق یہ عمل اسلام میں شرعی ہجرت کے تصور کے تحت آتا ہے ۔

سچ تو یہ ہے کہ ہجرت صورتِ حال کو بہترین میں تبدیل کرنے کا علم ہے تاکہ روحانی اور جسمانی طور پر ایک مربوط معاشرہ قائم کیا جا سکے۔ اور شاید یہی وہ مفہوم ہے جو فتح کے بعد رسول اللہ صلی اللہ علیہ وسلم کا مقصود تھا، جب آپ ﷺ نے فرمایا: فتح ( مکہ ) کے بعد ہجرت نہیں ہے، لیکن جہاد اور نیت ہے۔ روایتِ مسلم۔

یعنی فتح مکہ کے بعد ایسی کوئی چیز نہیں ہے جو وطن سے ہجرت کا تقاضا کرتی ہو بلکہ اب برے افکار سے اچھے افکار کی طرف ہجرت مطلوب ہے اور جس چیز کا فساد اور جمود ثابت ہو چکا ہو اس سے اس چیز کی طرف ہجرت جس میں ہم خیر اور بھلائی دیکھتے ہوں۔ اور عبداللہ بن عمرو بن العاص رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: ”مسلمان وہ ہے جس کی زبان اور ہاتھ سے مسلمان محفوظ ہوں، اور مہاجر وہ ہے جو اللہ تعالی کی حرام کردہ چیزوں کو چھوڑ دے۔" روایتِ امام بخاری ۔