نمازِ عشا کو آدھی رات تک مؤخرکرنے کا کیا حکم ہے؟

رسول اللہ صلی اللہ علیہ وسلم سے متعلق ثابت شدہ احادیث میں جو بات آئی ہےوہ یہ ہے کہ  نمازِ عشا کو اول وقت  سے رات کے ایک تہائی حصے یا نصف رات تک مؤخر کرنا افضل ہے، ان احادیث میں سے ایک حدیث امام  ترمذیؒ نے زید بن خالد الجہنی رضی اللہ عنہ سے روایت کی ہے کہ رسول اللہ صلی اللہ علیہ وسلم نے فرمایا:" اگر مجھے اپنی امت کو حرج و مشقت میں مبتلا ہونے کا خطرہ نہ ہوتا تو میں انہیں ہر نماز کے وقت (وجوباً ) مسواک کرنے کا حکم دیتا، نیز میں نمازِ عشاء کو تہائی رات تک مؤخر کر دیتا"۔

یہ اس کے لیے ہے جو جانتا ہے کہ اگر وہ اس میں تاخیر کرے گا تو اس پر نیند یا سستی نہیں آئے گی، اور  اس کے ساتھ یہ کہ وہ مساجد میں اذان اور اقامت کے اوقات کو مدنظر رکھتے ہوئے نمازِ عشا  گھر میں پڑھ رہا ہو، بصورت دیگر ضروری ہے کہ اسے جلدی اور اول وقت میں ادا کرے۔