عورتوں کو ہراساں کرنے یا انہیں زبانی یا اخلاقی زیادتی کا نشانہ بنانے کا کیا حکم ہے؟

عورت نصف معاشرہ ہے، اور وہ انسان ہونے میں مرد ہی کی طرح ہے اور اس کے کردار  کی اہمیت مرد کے کردار سے کم نہیں ۔ وہ معاشرے کا نصف حصہ ہے اور باقی نصف حصے کی ماں ہے۔نبی کریم صلی اللہ علیہ وسلم نے مردوں کے بہترین ہونے کا معیار عورتوں کے ساتھ حسن سلوک پر مبنی کیا ہے۔ پس آپ ﷺ فرماتے ہیں: مومنوں میں سب سے کامل ایمان والے وہ ہیں جو بہترین اخلاق کے حامل ہوں اور تم میں سے بہترین وہ ہیں جو اپنی بیویوں کے لیے بہترین ہوں۔‘‘ اسے امام ترمذی نے ’’الجامع‘‘ میں روایت کیا ہے۔ اسی وجہ سے اسلام نے انہیں ہراساں کرنے یا تکلیف دینے کی تحریم پر زور دیا ہے؛ پس سیدنا معقل بن یسار رضی اللہ عنہ سے مروی ہے کہ رسول اللہ صلی اللہ علیہ وسلم صلی اللہ علیہ وسلم نے فرمایا: ” تم میں سے کسی کے سر میں لوہے کی سوئی مارا جانا اس سے بہتر ہے کہ وہ کسی ایسی عورت کو چھوئے جو اس کے لیے جائز نہ ہو۔ اسے امام طبرانی رحمہ اللہ نے روایت کیا ہے۔