معاشروں میں انتہا پسند کیسے ظاہر ہوتا ہے؟

معاشروں میں انتہا پسند ایک دم ظاہر نہیں ہو جاتا بلکہ وہ متعدد ماسک لگا کر اپنے اہداف کو اپنی طرف متوجہ کرنے اور بھرتی کرنے کی کوشش کرتا رہتا ہے اور اپنے آپ کو اہلِ عالم اور امت اسلامیہ کی اصلاح کے لیے ایک داعی اور پیغامبر کے طور پر پیش کرتا ہے، جس چیز کو مانتا ہے نجی اور معاشرتی زندگی کے تمام مسائل میں اسے بطور حل تجویز کرتا ہے، لیکن ذرا سی غور وفکر اس کےمطالبے کے جھوٹ اور  نقصانات کو بے نقاب کر دیتی ہے۔

ماہرین نفسیات اور سماجیات کی بڑی تعداد نے انتہا پسندی کو - خاص طور پر نظریاتی انتہا پسندی جو کہ انتہا پسندی کی سب سے خطرناک اور زیادہ مؤثر قسم سمجھی جاتی ہے – دیکھا کہ انتہا پسندی ایسی اقدار کا مجموعہ پیدا ہونے کا نتیجہ ہے جو مروجہ اقدار اور رسوم و رواج سے متضاد ہیں،اور جن سے انتہا پسند متاثر ہو جاتا ہے اور ان کی مبادیات اور اخلاقیات کو اپنا لیتا ہے، اور یہ متضاد نظام انتہا پسند کی اپنے معاشرے میں نظام سے یا سماجی ڈھانچے سے بیگانگی اور اجنیت کی بڑھتی ہوئی کیفیت کے بعد پیدا ہوتا ہے۔

اس میں کوئی شک نہیں کہ اجنبیت کی یہ کیفیت کئی متفرق یا مشترک اسباب کی بنا پر شدت پسند کے ضمیر میں بتدریج راسخ ہوتی رہتی ہے،اور ان میں بعض اسباب اس نفسیاتی اضطراب کی وجہ سے پیدا ہوتے ہیں جس کا شدت پسند کو سامنا ہوتا ہے، جیسے احساس کمتری یا جذبات میں عدم توازن اور متعصبانہ رجحانات کا شکار ہونا ، اور اس کے اندر جنونیت اور تعصب کا پایا جانا۔ انتہا پسند تسلط والا شخص ہوتا ہے جو انتہا پسندانہ سوچ کو اپنا کر اس تسلط کو استعمال کرنے میں میلان رکھتا ہے، اور اس فکر کو اس وجہ سے اپناتا ہے کہ یہ فکری نظام اسے دوسروں پر برتری کی ضمانت دیتا ہے۔