انتہا پسند کے ذہن کو متاثر کرنے والےنمایاں اوصاف کیا ہیں؟

انتہا پسندوں کی ذہنیت کئی اوصاف سے متصف ہوتی ہے جو اس کی فکری اور ثقافتی استعداد پر اور انتہا پسندی کے مراحل سے گزرنے میں اثر انداز ہوتے ہیں، ان اوصاف میں سب سے نمایاں یہ ہیں:

- ان کے ہاں اصحابِ فکر سے وفاداری عقائد سے وفاداری پر مقدم ہے، لہذا ان کے نزدیک اپنی تنظیموں سے وفاداری اسلام سے وفاداری پر مقدم ہے، گویا اپنی جماعت سے وابستگی اصل اور اسلام سے وابستگی فرع ہے۔

١ - پرانے خیالات سے چمٹے رہنا، انہیں مقدس جاننا، ہر نئی چیز کو رد کرنا، یا اپنی افکار میں غلط اور صحیح کے تمیز کو رد کرنا۔

- تمام مخالف لہروں اور مخالف افکار کے ساتھ تصادم کا اسلوب اپنانا، چاہے ان مخالفین کا تعلق انہیں کے دین، جنس اور نسل سے ہو یا نہ ہو۔

- حقائق کو مسخ کرنا: یہ ایک ایسی صفت ہے جو انہیں تصورات کو الٹانے اور مٹا دینے کی قدرت دیتی ہے، اور ناکافی یا حقیقت کے منافی ناکافی دلائل اور براہین پیش کرنا سکھاتی ہے۔

- ہر مخالف فکر کو رد کر اپنی راۓ پر اڑے رہنا، اگرچہ مخالف فکر صحیح ہی ہو۔

- نقدِ ذات کی فکر کی عدم موجودگی، جوکہ ان انتہا پسند جماعتوں کو ایسی جمود والی ذہنیت میں تبدیل کر دیتی ہے جو ترقی کو قبول ہی نہیں کرتی، نتیجتاًجماعت کے رموز کی ایسی تقدیس جنم لیتی ہے، جواہلِ جماعت اور تجدید کے درمیان حائل ہو جاتی ہے۔

- مکالمہ اور رواداری والی سوچ کا فقدان، جس کی وجہ سے فکرِ تکفیرکو تقویت ملتی ہے اور تشدد کے مظاہر کی بنیاد ڈلتی ہے۔