زلزلے وغیرہ سے گھبراہٹ کے وقت انسان کیا کہہ سکتا ہے؟

حدیثِ طیبہ میں بیان ہوا کہ اگر کسی شخص کو کوئی گھبراہٹ  اور پریشانی والی چیز پیش آجائے تو وہ  یوں کہے: هو الله، الله ربي لا شريك له۔ ( وہ اللہ ہے، اللہ میرا رب ہے، اس کا کوئی شریک نہیں)۔ سیدنا ثوبان رضی اللہ عنہ سے مروی ہے کہ رسول اللہ صلی اللہ علیہ وسلم کو اگر کوئی چیز خوفزدہ کرتی تو یوں کہا کرتے تھے: هو الله، الله ربي لا شريك له۔ ( وہ اللہ ہے، اللہ میرا رب ہے، اس کا کوئی شریک نہیں)۔ اس حدیث مبارکہ کو امام نسائیؒ نے سنن کبری میں روایت کیا ہے۔

یہ حدیث اس بات پر دلالت کرتی ہے کہ جب کوئی قدرتی واقعات وغیرہ سے انسان پریشان یا خوفزدہ ہو جاۓ تو یہ دعا پڑھنا مستحب ہے، اسی طرح علماء نے ایسی چیز پیش آنے پر نماز پڑھنے کو بھی مستحب کہا ہے۔ کیونکہ نماز میں سکون واطمینان حاصل ہوتا ہے۔اللہ تعالیٰ نے فرمایا: { بے شک انسان کم ہمت پیدا ہوا ہے۔جب اسے تکلیف پہنچتی ہے تو چلا اٹھتا ہے۔اور جب اسے مال ملتا ہے تو بڑا بخیل ہے۔مگر وہ نمازی۔جو اپنی نماز پر ہمیشہ سے قائم ہیں۔ "[المعارج: 19-23]۔