سڑکوں سے بارش کا پانی خشک کرنے کا کیا ثواب ہے؟

بارش کے پانی کو مخصوص جگہوں کی طرف نکال کر سڑکوں اور گلیوں کو خشک کرنا سڑک سے اذیت دینے والی چیز کو دور کرنے کے مترادف ہے اور یہ ان اعمال میں سے ایک ہے جو اسلامی شریعت میں مستحب ہیں۔ لوگوں کے راستے سے تکلیف دہ چیز کو دور کرنا ایمان کا حصہ ہے۔ حضرت ابوہریرہ رضی اللہ عنہ سے روایت ہے کہ سیدنا رسول اللہ صلی اللہ علیہ وسلم نے فرمایا: ”ایمان کے ستر سے زیادہ (یا ساٹھ سے اوپر) شعبے (اجزاء) ہیں۔ سب سے افضل لاالہ الا اللہ کا اقرار ہے اور سب سے چھوٹا کسی اذیت (دینے والی چیز) کو راستے سے ہٹانا ہے اور حیابھی ایمان کے شعبوں میں سے ایک ہے۔“ ایسا کرنے سے انسان کو دنیا و آخرت میں بڑا اجر اور بہت زیادہ ثواب ملتا ہے۔ حضرت ابوہریرہ رضی اللہ عنہ سے روایت ہے کہ سیدنا رسول اللہ صلی اللہ علیہ وسلم نے فرمایا: "میں نے ایک شخص کو دیکھا کہ وہ (اس عمل کے بدلے) جنت میں ہر طرف (نعمتوں کے مزے) لوٹ رہا تھا (کیونکہ) اس نے راستے کے درمیان سے ایک ایسے درخت کو کاٹ دیا تھا جو لوگوں کو اذیت دیتا تھا۔" اور امام بخاری نے "صحیح بخاری" کی ایک اور روایت میں سیدنا رسول اللہ صلی اللہ علیہ وسلم نے فرمایا: ایک شخص راستے پر چل رہا تھا کہ اس نے وہاں کانٹے دار ڈالی دیکھی۔ اس نے اسے اٹھا دیا تو اللہ تعالیٰ نے اس کا یہ عمل قبول کیا اور اس کی مغفرت کر دی۔