امام نووی رحمہ اللہ فرماتے ہیں: مقتدیوں کو سنانے کیلئے تکبیر تحریمہ اور تکبیراتِ انتقالات جہرا کہنا امام کیلئے مستحب ہے تاکہ انہیں امام کی نماز کے صحیح ہونے کے بارے میں پتا چل سکے، اور اگر مسجد بڑی ہو اور تمام نمازیوں تک امام کی آواز نہ پہنچ رہی ہو، یا کسی بیماری وغیرہ کی وجہ سے اس کی آواز کمزور ہو یا ویسے ہی اس کی آواز تھوڑی ہو تو نمازیوں میں سے حسبِ ضرورت کچھ لوگ اس کی طرف سے تکبیر آگے پہنچائیں؛ کیونکہ حدیثِ صحیح ہے کہ حضور نبی اکرم ﷺ نے مرض کی حالت میں لوگوں کو نماز پڑھائی اور اس نماز میں سیدنا ابوبکر صدیق رضی اللہ تعالی عنہ لوگوں کو تکبیر سناتے تھے۔( رَوَاهُ الْبُخَارِيُّ وَمُسْلِمٌ مِنْ رِوَايَةِ عَائِشَةَ) اور غیرِ امام کیلئے سنت ہے کہ وہ آہستہ تکبیر کہے چاہے مقتدی ہو یا اکیلے نماز ادا کرنیوالا ہو، آستگی کی ادنی مقدار یہ ہے کہ نمازی خود اس کو سن سکے اگر کی سماعت صحیح اور اگر صحیح نہ ہو تو اتنی بلند کر سکتا ہے کہ خود سن لے، اس سے زیادہ بلند کرنا صحیح نہیں گا۔([1])