میں نے اپنے تین بچوں کو کچھ زرعی زمین سے کی ہبہ (تحفہ دی)، اور میں نے اس ہبہ کے معاہدے میں لکھا کہ میں اس تاریخ سے اس قدر زمین سے دستبردار ہوتا ہوں۔ لیکن یہ زمین میرے استعمال میں ہے، اور اس وقت میں ہی اپنے ان بچوں پر خرچ کر رہا ہوں۔ تو سوال یہ ہے کہ کیا میرے لیے یہ تحفہ واپس لینا جائز ہے؟  

الحمد للہ والصلاۃ والسلام علی سیدنا رسول اللہ وآلہ وصحبہ ومن والاہ، وبعد. جیسے ہی اپنی شروط کے ساتھ ہبہ کا جائز معاہدہ طے پاتا ہے، اسی وقت وہ چیز تحفہ بن جاتی ہے؛ صاحبِ"الدرالمختار شرح تنویر الابصار" نے فرمایا: [جب بچے کی سرپرستی کرنے والا بچے کو کوئی چیز تحفہ دے اور تحفہ دی جانے والی چیز معلوم یعنی متعین بھی ہو اور اور ہو بھی اس کے قبضے میں ہو تو اس چیز میں ہبہ صرف عقد کرنے سے مکمل ہو جاتا ہے؛ کیونکہ بچے کی طرف سے قبضہ سرپرست ہی نیابتا کرتا ہے، اور اصول یہ ہے کہ ہر وہ معاہدہ جسے کرنے والا ایک ہی شخص ہو تو اس میں صرف "ایجاب" (پیشکش) ہی کافی ہے] ، بتصرفِ قلیل۔
اس کی تکمیل کے بعد، ہبہ کرنے والے کیلئے رجوع کرنا صحیح نہیں ہے۔ صاحبِ "الدر المختار" نے فرمایا: [اگر کسی نے کسی ایسے شخص کو کوئی چیز ہبہ کی جو نسب کے اعتبار سے اس کا ذی رحم محرم ہو، تو وہ ہبہ کی ہوئی چیز واپس نہیں لے سکتا]۔
اس طرح سوال کا جواب یہ معلو‏م ہوا کہ تحفہ دینے والے کو یہ تحفہ واپس لینے کا کوئی حق نہیں ہے۔
والله سبحانه وتعالى أعلم.